Glæsilegur árangur í Svíþjóð

VBC_WCB

 

 

Laugardaginn 10 október kepptu þeir Pichet Korchai, Birgir Þór Stefánsson, Örnólfur Þór Guðmundsson og Þórður Bjarkar á WCB 7 í Varberg í Svíþjóð með í för var Kjartan Valur Guðmundsson þjálfari og formaður VBC.

 

Pichet Korchai keppti í fjögurra manna útsláttarkeppni í atvinnumannaflokki. Hann tapaði naumlega í fyrri umferð, 2-1, í skemmtilegum bardaga og var því úr leik. Birgir Þór Stefánsson keppti gegn mun reyndari bardagamanni en sá var að taka sinn tuttugasta bardaga. Birgir Þór tapaði bardaganum 3-0. Örnólfur Þór Guðmundsson var að keppa sinn annan bardaga og fyrsta C class og sigraði hann örugglega 3-0.

 

Þórður Bjarkar  sigraði sinn sjötta bardaga í röð um helgina. Þórður gerði sér lítið fyrir og sigraði fyrrum Svíþjóðarmeistara í Muay Thai. Allir dómararnir dæmdu Þórði sigur.

 

Þetta var frábært kvöld og gríðarlega vel staðið af því. Þeir hjá West Coast Battle voru með söfnun fyrir börn með krabbamein og safnaðist mikill peningur með kvöldinu fyrir þau. Strákarnir stóðu sig allir frábærlega og stefnan sett á Norðurlandamótið í Finnlandi um miðjan nóvember.

No Comments

Sorry, the comment form is closed at this time.