HFK bikarmeistarar annað árið í röð

Laugardaginn 21. febrúar fór fram Bikarmót í hnefaleikum hjá VBC í Kópavogi. Hnefaleikafélag Kópavogs (HFK) stóð uppi sem bikarmeistari annað árið í röð og átti afar sterka frammistöðu á heimavelli.

-70 kg U1

Kormákur Steinn Jónsson (HFK)

Kormákur sigraði Misha frá Bogatyr á klofinni dómaraákvörðun í fyrstu viðureign og tryggði sér síðan sigur í annarri viðureign á einróma dómaraákvörðun.

-75 kg Elite

Ísak Guðnason (HFK)

Ísak sigraði Bjarna frá HFR í fyrstu viðureign með TKO í þriðju lotu. Bjarni mætti ekki til leiks í úrslitum og því féll titillinn til Ísaks.

+90 kg Elite

Magnús Kolbjörn Eiríksson (HFK)

Magnús sigraði Elmar frá Þór Akureyri á einróma dómaraákvörðun í fyrstu viðureign og vann síðan Sigurjón frá Bogatyr á klofinni dómaraákvörðun.