Porto Box Cup, stærsta hnefaleikamót í heimi

Stærsta hnefaleikamótí heimi var haldið 25. - 28. mars í Portúgal. Alls voru fjórtán íslenskir keppendur á mótinu, níu frá HFK og 5 frá HR.

Á mótinu voru 950 keppendur og barist í 7 hringjum samtímis alla helgina.

Úrslit HFK voru eftirfarandi:

• Fajer Ghazali keppti sinn annan bardaga á móti Breta og stóð sig vel en tapaði naumlega 2-1.

• Viktor Víkingur keppti á móti Spánverja og tapaði á klofinni dómaraákvörðun

• Arnar Jaki keppti við Spánverja og tapaði með klofinni dómaraákvörðun

• Kormakur Steinn keppti á móti sterkum Pólverja en tapaði á dómaraákvörðun

• Hlynur Þorri sigraði Svía 3-0 í undanúrslitum en tapaði á móti Sviss í úrslitum og fékk silfur 🥈

• Arnar Gauti keppti á mót brons verðlaunahafa á EM og tvöföldum Spánarmeistara. Arnar var með mikla yfirburði í bardaganum en fékk blóðnasir og dómarinn stöðvaði bardagann.

• Yahya Ghazali keppti við sterkan Svía og átti mjög góða frammistöðu en tapaði að lokum á dómaraákvörðun.

• Zalmai Jasur keppti á móti öflugum Spánverja. Zalmai var yfir hjá dómurum þegar 20 sek voru eftir í þriðju lotu en þá labbaði Zalmai inn í skrokkshögg og náði ekki að jafna sig.

• Ísak Guðnason keppti á móti Portúgalska meistaranum. Ísak átti mjög góða frammistöðu, dómararnir voru hliðhollir Portúgalanum þrátt fyrir virkilega sannfærandi frammistöðu og höfðu margir hlutlausir áhorfendur tal á því að þarna hefði verið skrítinn dómur á ferð.